Fiskisúpa

• 300gr beinlaust, roðflett fiskmeti
• 2 laukar
• 3 hvítlauksrif
• 1 stk lítill, rauður chilipipar
• 1 meðalstór, sæt kartafla
• 100gr sveppir
• 2-3 msk tómatmauk
• 2 lítrar grænmetis- eða fiskisoð
• ólífuolía
• 1/2 msk karrýduft
• 1/2 tsk broddkúmen (cumin)
• salt og pipar
• ferskt kóríander

Skerið sætu kartöfluna í fremur litla bita, saxið lauk, hvítlauk, sveppi og chilipipar, steikið í olíunni, bætið við kryddinu. Bætið soði og tómatmauki út í og látið krauma þar til kartöflur eru orðnar meyrar. Smakkið til með salti og pipar. Skerið fiskmetið í bita og setjið út í um leið og potturinn er tekin af hitanum. Saxið kóríander og stráið yfir súpuna í skálinni.

Uppskriftin er fyrir um það bil 4.
Borið fram með góðu brauði.