Gleðilega páska!
Yndislegir páskar með nóg af súkkulaði og páskaungum 😊
Páskaeggjaleitin var ekki í Álfheimum enda íbúarnir staddir hjá dótturdótturinni í 4 ára afmælisgleði. Við földum því eggin hér heima.
Áður en krakkarnir hófu leitina vorum við með brunch þar sem ég prufaði nýjar brauðbollur með fyllingu, ferskan safa, egg og auðvitað beikon. Krökkunum finnst þetta alltaf jafn spennandi og okkur Leifi finnst ekki leiðinlegt að hefja daginn á góðum morgunmat.
Eftir súkkulaðiátið var vel við hæfi að viðra liðið áður en við skelltum okkur í mat í Birtingaholtið. Við ákváðum að taka smá rölt í Laugardalnum þar sem Sigurborg Ásta fékk heiðurssæti í Maduca pokanum og fannst það ekkert leiðinlegt!
Það var ýmislegt brallað í göngutúrnum eins og frjóum hugum er eðlislægt sbr aftur á bak kapphlaup…
Ása vann!
3/5 fjölskyldunnar tóku nokkra hringi á æfingarslánum – sko kollhnísa ekki “tilætlaðar æfingar” :-p
Þau vildu reynda meina að þau væru i hugleiðslu en ekki að fara í kollhnísa 😉
Við enduðum svo daginn á að fara í dásamlegan mat hjá mömmu og pabba – með öllu tilheyrandi :love: