Dagbókin

Ég hef ekki verið að fara mikið í bíó síðastliðið ár… hef samt gert nokkrar tilraunir en þá hefur oftar en ekki ekkert verið í bíó sem mig hefur langað að sjá. EN þótt ótrúlegt sé að þá er ég búin að fara 2x síðustu 4 daga :-p

Við Leifur skelltum okkur með Oliver að sjá Toy Story 3 á sunnudaginn… Oliver ELSKAR Bósa Ljósár & Vidda. Hann sat stjarfur megnið af myndinni og starði á stóra tjaldið yndislegt að fylgjast með honum.
Við skemmtum okkur líka ágætlega, ekki bara við að horfa á Oliver upplifa myndina heldur líka við að horfa á TS3. Fullt af húmor tilstaðar fyrir okkur þessi eldri sem krakkarnir kveikja ekkert endilega á.

Í gær fór ég svo ásamt nokkrum mömmum sem eiga börn á aldur við Ásu Júlíu að sjá heimildarmyndina Babies. Hún var alveg yndisleg! Ekkert smá gaman að sjá þessi kríli og hversu ólíkt fyrsta árið er í þeirra lífi þrátt fyrir að þau öll gangi í gegnum sama þroskaferli þannig séð. Þarna er fylgst með 4 börnum, stelpu frá Namibíu, strák frá Mongólíu, stelpu frá Japan og stelpu frá USA. Það sem var líka svo skemmtilegt við þessa mynd er að við gátum allar tengt þetta við okkar eigið líf… svona var þetta búið að vera hjá ungunum okkar síðasta árið :-)  Mæli með henni! sérstaklega ef þið eigið ung börn!

getur stundum verið óstjórnlega fyndið!

Ég smellti mér hérna niður í sjoppu í hádeginu, enda býr eigandinn þar til einn besta skyndibitakjúlla ever! stór plús er auðvitað að hann er með brúnum hrísgrjónum & fersku krönsí salati *jummí* og svo sterkri dressingu á kjúllann *NAMMI* NB þessi er ekki fyrir kisur sko ;-)

ENNN aftur að fluga á vegg! Þarna voru 2 gaurar, ekta svona “égerógeðslegaflotturgaursemeyðislattaaftímaíræktinniþannigaðéggengíermalausumbolumtilaðsýnavöðvanamína” og þeir fóru að tala um það að þeir færu stundum í “sleik” við pylsurnar sínar !!?! miskiljanlegt JÁ! sérstaklega hjá svona gaurum! auðvitað voru þeir að tala um hinar hefðbundnu SS/Goða pylsur sem fást í flestöllum sjoppum landsins.

Því næst fóru þeir að ákveða að setja þetta upp sem Facebookstatusa.. en plottið var jú að annar þeirra mátti bara setja inn status tengdan þessu… málið var nefnilega að þeir vildu meina að það væri betra að fara í sleik við pylsur en stelpur.

Ég byrjaði á því að skutlast með Ásu Júlíu á Framnesveginn þar sem feðgarnir fóru á fjölskyldudag í vinnunni hans Leifs. Náði í Evu og saman fórum við svo og náðum í Ásu, Sirrý og Lilju. Við Eva höfðum sent út e-mail fyrr í vikunni með smá fyrirmælum til stelpnanna um að þær ættu að redda sér hinum ýmsu atriðum eins og veiðiháfi eða sigti, Snúsnúbandi, 2 mislitum teningum, regnhlífum og e-ð meira sniðugt.

Fyrir utan hjá Lilju fengum við að opna fyrsta umslagið frá Leifi en hann hafði útbúið “smá” ratleik fyrir okkur. Þar stóð að við ættum að halda niður í Laugardal og leggja við Skautahöllina… við tók svo smá hringavitleysa í Laugardalnum sem var alveg stórskemmtileg! Leifur hafði haft fyrir því að útbúa svona líka fínan ratleik og senda okkur hingað og þangað um dalinn í leit að bleikum borðum sem bentu til þess að í nágrenninu væru vísbendingar að næsta stað. Allt í allt voru þetta 8 vísbendingar sem enduðu svo á að senda okkur í Café Flóru þar sem við hittum Óskar Pál ljósmyndara með meiru sem skellti sér út í rigninguna með okkur og myndavélina sína til að smella myndum af okkur skvísunum. Hlakka ekkert smá til að fá þær myndir í hendurnar þótt við hefðum verið allar RENNANDI blautar með klesst hár og tilheyrandi!

Eftir myndatökuna skelltum við okkur aftur í bílinn og héldum heim til Evu þar sem beið okkar smá næring og undirbúningur fyrir kvöldmatinn, og auðvitað spjallið/slúðri/og svo frv!

Takk aftur fyrir frábæran dag stelpur! aftur að ári?

ég og Eva vinkona erum búnar að setja saman smá skema fyrir æskuvinkonurnar næsta laugardag… hlakka ekkert smá til!!

Mynd frá: Lilja Huld

Sendum póst í gærkvöldi á stelpurnar og þær eru eitt :?:  smá púki í mér að segja ekki boffs en það er líka bara gaman hlakka svooo endalaust til laugardagsins að það er ekki fyndið

þeir sem þekkja mig vita það svosem að ég drekk ekki kaffi… hef lítinn áhuga á kaffi yfir höfuð í rauninni EN dregst oft inn í samtöl sem tengjast kaffivélINNI í vinnunni minni… *woohoo* stuð…

Hér er einhver svaðalega fín vél sem mylur baunirnar fyrir mann og hægt er að velja um svona sterkt kaffi eða hinsegin og 1 bolla eða 2 (sem mér skilst reyndar að á venjulegu bollamáli tákni 1/2 bolla eða heilan), svo er hægt að fara í “skápinn” ef maður vill mildara kaffi *blah* skápakaffi! og auðvitað er hægt að flóa mjólk þarna eða fá “bara” soðið vatn. ANÍHÚ!
Að mínu mati er þessi vél algert vesen.. fyrir utan að læra á hana til að fá kaffi eins og hver og einn vill að þá þarf víst að setja hana reglulega í “sturtu” og svo eitthvað sjaldnar í “dekurbað” eins og við köllum sjálfhreinsunarstillingarnar á henni.
Hún hefur farið amk 1x á ári í viðgerð í þessi heilu 3 ár sem hún hefur verið til (hún var sko keypt þegar ég var ólétt af Oliver þannig að það er víst fast í kollinum á mér hversu lengi hún hefur verið hér). Hún fór m.a. í sína árlegu viðgerð núna fyrir helgi (skilst reyndar að hún hafi líka farið fyrir jól…) og kom víst alveg jafn “biluð” til baka og þegar hún fór *greyjið*
Þar sem ég er að vinna með fullt af læknum og hjúkrunarfræðingum voru þau svosem fljót að sjúkdómsgreina hana í morgun… hún er nefnilega með Áráttu Þráhyggjuröskun sem felst í því að hún vill stöðugt vera að fara í “sturtu” , þetta verður víst ekki lagað með uppáskrift að Zoloft eða áþekku lyfi heldur þarf að tækla þetta “the hard way” með því að neita henni um sturtuferðir og fær hún því aðeins að fara í dekurbað sem er ca 1x í viku…

Annars þá er víst raungreiningin sú að vélin er “heilabiluð” og þarf að fá nýjan heila…

Ég skellti mér á hekl námskeið hjá Eddu Lilju eða aka Snigla ásamt Evu Hlín vinkonu. Lítið og sætt 2x3t námskeið sem haldið var í Galleri Thors í Hafnarfirði.

Farið var í grunninn á hekli og fyrra kvöldið kenndi hún okkur að hekla vettling + blúndu á hann og fengum svo það heimaverkefni að gera húfu. Í kvöld var svo seinna skiptið og þá var farið í ýmsar tæknir í “skraut”hekli eins og mér finnst sniðugast að kalla það *haha* allskonar dúllur, blúndur og svoleiðis dúllerí ;-)

Þetta var ferlega skemmtilegt og ég á pottþétt eftir að nýta mér eitthvað af þessu í framtíðinni… er mikið að spá í að hekla mér vettlinga í stíl við húfna *hehe* eða bara e-ð alveg nýtt *múhahah*

Set inn myndir af herlegheitunum þegar ég hef álpast til að klára að ganga frá endunum og “skreyta” húfuna mína

BSJ eða Baby Surprice Jacket eftir Elizabeth Zimmerman er skondin lítil flík sem hægt er að prjóna í ýmsum stærðum og gerðum… allt eftir því hvaða garn er notað og hvaða prjónastærð.

Minn BSJ  er gerður úr gulu Nammi (sjá neðar í færslunni), afskaplega bjartur og fallegur gulur litur Þetta er í fyrsta sinn sem ég prufa að gera þessa peysu og ég er ekki frá því að ég eigi eftir að gera hana aftur.

Þegar maður er að prjóna hana lítur þetta svo sannarlega ekki út fyrir að vera peysa sem er á prjónunum hjá manni… mjög ólögulegt stykki sem kemur út úr þessu.

Svona er stykkið þegar búið er að fella af...

Búið að brjóta stykkið saman svo að út komi peysa...

Peysan er gerð úr garni sem kallast Nammi og er Einband sem er litað af Ragnheiði Eiríksdóttur hjá Knitting Iceland. Það vantaði rétt herslumuninn upp á að ég næði að klára peysuna úr “lítilli dokku” en síðustu 6 umferðirnar eru úr venjulegu hvítu einbandi frá Ístex. Á svo bara eftir að finna mér einhverjar sætar litlar tölur til að setja á jakkapeysuna og þá er komin hin fínasta sumargolla á Ásu Júlíu.

Meira…