hinar klassísku bolludagsbollur eftir uppskrift mömmu eru svo þægilega einfaldar, jújú mér hefur alveg tekist að klúðra þeim og láta falla en tókst það ekki í ár! Merkilegt nokk eignlega :-p svona miðað við hvað þessi ofn er ekki mikill vinur minn.
Við fengum okkur semsagt smá forskot á sæluna eftir kvöldmat og gæddum okkur á bollum í desert.
Enginn kvartar svosem undan því 😉 Krakkarnir nutu sín við að velja hvernig rjóma þau vildu fá á bollurnar sem þau fá í nesti í fyrramálið. Sigurborg Ásta skildi samt ekkert í þessum gjörningi frekar en í fyrra enda var best að sleikja súkkulaðið bara af bollunum.
