Síðasta sumar prjónaði ég peysu á Ásu Júlíu eftir uppskrift sem heitir Eivör. Ég heillaðist fljótt af þessari fallegu peysu og möguleikunum sem hún býður upp á.
Fljótlega eftir að ég kláraði peysuna hennar Ásu Júlíu ákvað ég að ég ætlaði að gera aðra eins á 
Ingibjörgu frænku og Sigurborgu Ástu, kosturinn er samt sá að þær verða aldrei alveg eins þar sem “kaðla”munstrið að framan er ekki eins á öllum stærðum.
Ég hafði fyrst hugsað mér að gefa Ingibjörgu peysuna í jólagjöf en datt svo niður á annað sem henntaði betur 🙂 þannig að úr varð að peysan varð 4 ára afmælisgjöfin hennar.
Viljandi valdi ég hvorteð að gera hana vel við vöxt.
Garnið sem ég valdi í peysuna, eða raunar í þær allar er Yaku úr Litlu Prjónabúðinni. Dásamlega fallegt superwash garn.
Ingibjargar er prjónuð eftir stærð 5 ára en þar sem þetta garn er aðeins fínna en uppskriftin kallar á þá passar hún flott á hana í dag og m.a.s. vel rúm þannig að hún á nóg inni fram á haustið. Prjónastærðin er 2,5mm í stroff & 3mm í búkinn 🙂
Sigurborg sendi mér þessa yndislegu mynd af skottunni að máta peysuna í afmælisveislunni sinni.
Ég er svo að vinna í peysunni hennar Sigurborgar Ástu núna… gengur hægt þar sem ég er að gera of margt í einu – hver kannast við það ??
