Við skötuhjúin skelltum okkur á tónleika í kvöld með Queen coverbandinu Queen Extravaganza.
Þvílíka snilldin!
Þvílikir snillingar!
Við vorum búin að sjá að uppselt væri á tónleikana í kvöld en ég ákvað að kíkja á heimasíðu Hörpunnar til að kanna hvort einhver séns væri á miðum eða amk hvað þeir væru að kosta ef maður dytti niður á miða til sölu en viti menn voru ekki nokkrir miðar á lausu á 11 bekk og það nokkurn vegin fyrir MIÐJU! Ótrúlegt, ég var ekki lengi að skella mér á 2 stk 🙂 Leifur var reyndar búin að tala um að fara á þá á morgun en ég bara hafði það ekki í mér að fara í burtu á afmæliskvöldinu hennar Ásu minnar 😉
Allavegna, aftur af upplifunninni á þessari snilld! Ég held að án gríns það hafi enginn búist við þessari stemmningu eða því hversu góðir þeir væru, og hálf skerí líka reyndar hvað Marc, söngvarinn, er lygilega likur Freddie sjálfum og er m.a.s. búinn að tileinka sér fullt af töktum frá Freddie.
Ég tók eftir því nokkrum sinnum á svipbrigðum hljóðfæraleikaranna að það kom þeim lúmskt á óvart hvernig áheyrendur voru enda töluðu þeir um að þeir hefðu aldrei áður verið á sitjandi tónleikum þar sem áheyrendur ignoruðu stólana meiri part tónleikanna og stæðu bara, dönsuðu, syngdu og svo frv.
Mæli hiklaust með því að kíkja á þá EF þú færð tækifæri til og ert tja amk smá aðdáandi Queen 🙂