Það er frekar óþægileg tilhugsunin um það að “creepið” sé að koma aftur hingað í dag…
Mér líður fáránlega og er búið að gera það síðan í gær, var m.a. sofnuð upp úr 10 í gærkveldi sem er frekar óalgengt hjá mér, nema þegar ég veit upp á mig sökina um að vera að snuða mig um svefn með því að fara seint að sofa vitandi það að ég eigi að mæta í vinnu kl 8. Ég var bara með svakalegan höfuðverk og viti menn hann er enn í dag þannig að svefninn lagaði hann ekki :o(
Ég eiginlega get ekki gert upp á milli þess hvort ég sé að verða veik eða hvort þetta sé bara kvíði vegna komu ógeðskarlsins… því að mér þykir tilhugsunin um komu hans og annað komment í minn garð eða það að yfirmaðurinn ætli að tala við hann frekar óþægileg.
Á hinn boginn þá er hálsinn minn farinn að pirra mig og vitandi það að Iðunn skvís sé búin að liggja upp í bæli síðustu daga með kvef og skemmtilegt dót sem og sú staðreynd að Leifur minn sé með hálsbólgu þá væri það ekkert ofur dramatískt að halda að ég sé að verða veik…