Við krakkarnir kíktum í garðinn til mömmu og pabba í dag til að hjálpa þeim að klára kartöflurnar. Ég held að garðurinn hafi aldrei verið áður svona seint á ferðinni eins og í ár, sem er reyndar svosem ekkert skrítið miðað við veðurfarið í vetur/vor.
En hvað um það, ég og krakkarnir skemmtum okkur konunglega við að sjá hin ýmsu furðudýr út úr spírunum á kartöflunum. Káruðum svo gott sem að setja niður allar kartöflurnar, fræ fyrir gulrótum og spínati. Mamma ætlar svo að bæta við salati og einhverju fleiru.
Mér finnst alltaf jafn gaman að sjá hversu mörg blóm koma á Rifsberjarunnana á vorin, auðvitað líka Sólberjarunnana og Stykkilsberjarunnana… það er nefnilega svo misjafnt hversu mikið nær að haldast ef maí/júní er vindasamur. Núna eru ótrúlega mörg blóm á runnunum og ég vona bara að þau haldist sem flest. Maður þarf svo að fara að læra að gera eitthvað sniðugt við þetta 🙂 nýta það sem náttúran gefur manni á meðan maður hefur möguleika á.