Olga frænka var svo sniðug að senda á mig boð á Facebook þar sem bændurnir á Helluvaði buðu til opins húss á bænum þegar Beljurnar fengju að sletta úr klaufunum utandyra í fyrsta sinn í ár.
Við ákváðum að skella okkur í bíltúr og stálum litla dananum okkar líka en Ingibjörg og foreldrar hennar komu í sörpræs heimsónk fyrr í vikunni og fara strax eftir helgi.
Krökkunum fannst þetta öllum alveg ágætis ferð sýndist okkur, frekar fyndið að sjá beljurnar hoppa svona um og bara gaman að fá að sjá, klappa og halda á litlu lömbunum. Er reyndar nokkuð viss um að toppurinn hjá Oliver hafi verið þegar hann fór að kíkja á Nautin og var ekki alveg að átta sig á því þegar þessi risastóra tunga kom og sleikti andlitið á honum… það var einstaklega fyndið 🙂
Ása Júlía og Ingibjörg lentu sem betur fer ekki í svona sleikjum, reyndar var Ingibjörg hálf feimin við þessar stóru skepnur og hélt sig í hæfilegri fjarlægð.
Þegar krakkarnir voru búin að fá nóg af dýrunum fengum við að smakka á nokkrum tegundum af nautatungum og nýjum ábrysti. Krakkarnir voru allir mjög hrifnir af þessu og borðuðu vel af tungunum, bestar reyndust þær samt reyktar og svo grillaðar en síst þessi salta.
2) frændsystkinin aðeins að prufa gamlan traktor
3) Sigurborg Ásta að smakka Ábrysti með Kanil
4)Beljurnar sloppnar út!!
Við höfum strax ákveðið að reyna að mæta aftur að ári, þá ætti Sigurborg Ásta að vera aðeins áhugameiri 😉