Enn er ég að vinna í yndislega leynisjalinu mínu – það er eitthvað svo skemmtilegt við að vinna með svona yndislega mjúkt og dásamlegt garn eins og Yaku-ið er … en í vísbendingu 3 kom loksins litur 2 þannig að ég gat bætt hinu nýja garninu inn sem er Fjara og ekki síðra að vinna með það!
Ég er samt enn að meta þetta spor, öðruvísi, skemmtileg en samt er eitthvað við það… verður gaman að sjá hvernig framhaldið verður en það eru 2 vísbendingar eftir og sú næsta kemur ekki fyrr en seinnipartinn á FÖSTUDAG sem er náttrúlega alltof langt í!
Ég er mjög sátt við litaskiptin og hvernig litirnir passa saman sem og görnin! (asnalegt orð!) Mér var bætt í facebook hóp í síðustu viku þar sem meðlimirnir eru margir hverjir að prjóna þetta sama sjal. Virkilega skemmtilegt að sjá hvernig staðan er hjá öllum þar og fáir að nota sömu garntegundina.