Undanfarið hefur veðrið verið það gott að við höfum kippt ábreiðunni af grillinu og skellt okkur í grillgallann nokkrum sinnum. Finnst þetta svoo skemmtilegur tími 😉 og góð tilbreyting frá að þrífa potta og pönnur!
Þessi kjúklingur fékk að kynnast grillstandinum okkar í kvöld, svo fullkomnlega eldaður og bragðgóður að ég var alveg í skýjunum að hann kláraðist ekki þannig að ég get tekið með mér kjúklingasalat í vinnuna á morgun *woohooo* Ég fann mér einhvern kryddlög sem ég klappaði honum með inni á heimasíðu Weber og í óþökk Leifs setti ég slurk af bjór í standinn *hohohoh* en góður var hann!
Annars þá eru þessi blessuðu börn mín svoddan mathákar, sérstaklega Oliver að ég sé fram á að þurfa bráðlega að fara að elda 2stk af heilum kjúklingi til að hafa örugglega nóg fyrir alla.