jeij ég stóð við það að færa bara til wip þriðjudag :-p Ekki það að ég hafi náð að afkasta miklu en tréið fær hvert nýtt sporið á fætur öðru og virkilega gaman að sjá það myndast. Hlakka bara til þegar litirnir aukast í því.
Það á eftir að verða erfiðara og erfiðara að ná góðri einfaldri mynd á símann eftir því sem myndin stækkar. Ég hef verið að taka þessar myndir bara undir dagljósalampanum þegar ég hef gengið frá endanum á síðasta þræðinum í það og það skiptið en ég held að það gangi ekki mikið lengur. Verst að litla vasavélin okkar var að deyja þannig að þá er bara að taka fram hlunkinn og myndast við að taka flottar myndir á hann 😉
Vonandi næ ég nú fleiri þráðum næsta þriðjudag!
En nýjasti skammturinn af leynisjalsprjóninu kemur í kvöld og ég er vandræðalega spennt yfir því… hlakka einna mest til að fá að vita hvort ég fái að nýta lit 2 eða ekki *haha*