Skv öllu hefði gærkvöldið átt að vera helgað jólatrésdúknum [1][2][3][4][5] mínum ennnnnnnnn eftir það vesen sem ég átti um helgina með Leynisjalið þá ákvað ég að reyna að ljúka því af frekar en að taka dúkinn góða upp… vonandi fær hann bara eitthvað annað kvöld í vikunni í staðinn.
Þegar ég var búin að prjóna fyrstu vísbendinguna var staðan svona … lítur vel út 😀
Litlir fingur komust reyndar í verkefnið stuttu eftir þetta og við það duttu nokkrar lykkjur af prjónunum og well ég prjónaði þetta að stórum hluta aftur til þar sem ég var ekki alveg sátt við útlitið þegar ég var búin að taka lykkjurnar upp (og hekla sumar upp).
Það er lúmskt gaman að vita ekki alveg hvert framhaldið verður, en ég vona að í næstu vísbendingu sem er þá #3 fái maður að skipta um lit 🙂 En staðan eftir að ég kláraði vísbendingu #2 í gærkvöldi er þá ca svona. Þarna sést reyndar bara í nýjustu vísbendinguna :-p næ vonandi betri mynd þegar ég kem heim í dag en þessi var tekin svo seint í gærkvöldi að lýsingin var ekkert skemmtileg. Hinsvegar var ég svona líka ánægð með að vera búin með þessa vísbendingu að ég bara varð að taka mynd! Stundum er fæðingin bara aðeins of erfið til þess að maður geti beðið eftir betra ljósi til að monta sig! en ég bæti þeim þá bara við póstinn í kvöld.
Þá er bara að bíða fram á föstudagskvöld eftir næsta skammti!