Loksins kom að því… við hjúin skelltum okkur á deit! Erum búin að vera full upptekin af barnauppeldi og almennu fjölskyldulífi undanfarna mánuði að við höfum ekki farið út bara 2 í lengri tíma.
Ég sá auglýsta tónleika með Jógvan Hansen í Salnum um daginn og voru lögin sem hann flutti öll Frank Sinatra lög. Við erum bæði mjög hrifin af þeirri tónlist, og bara reyndar mjög mikið af tónlist frá þessum tíma svona almennt.
Jógvan fór vel með lögin og skemmtum við okkur mjög vel þrátt fyrir að vera meðal yngstu tónlistagestanna 😉
Virkilega notalegt að kíkja aðeins út 🙂 tengdó sátu hjá krökkunum á meðan og var það í fyrsta sinn sem við skildum Sigurborgu eftir í pössun fyrir nóttina. En naflastrengurinn er farinn að lengjast alveg ágætlega og gekk kvöldið alveg eins og í sögu 🙂