Ísland er svo merkilega lítið og skrítið land…
Við Leifur komumst að því eftir ca árs samband að stelpa, Sunna, sem var með mér í bekk mest allan grunnskóla væri náfrænka hans. Eftir að við fluttum hingað uppeftir kom svo í ljós að hún og fjölskylda hennar búa hérna aðeins neðar í brekkunni.
Svo skemmtilega vill til þá á hún líka dömu fædda 2009, hana Helgu.
Við mæðgurnar fórum í göngutúr niður í Mjódd í góða veðrinu í dag með litlu dætur okkar í vögnunum sínum… eða eins og Ása Júlía sagði, þú ert með Sigurborgu Ástu og ég er með Sigurborgu dúkku! Við erum báðar með Sigurborgir í vagni!
Allavegna þá hittum við mæðgur, Sunnu og dætur hennar 3, eitthvað barst það í tal að það væri nú svolítið sniðugt að þær frænkur myndu kynnast og leika saman, við ættum að hafa þetta á bakvið eyrað við tækifæri.
Stuttu síðar rekumst við mæðgur aftur á þær og þá grípur Ása Júlía tækifærið og býður Helgu með okkur heim ! þær frænkur skemmtu sér vel í dúkku leik bæði á leiðinni heim og svo í sólinni á pallinum.
Sigurborg Ásta var líka notuð sem dúkka í smá tíma, eins og vanalega reyndar *haha* og fékk hún að prufa að keyra um í smá á sparkbíl á pallinum, ekki fannst henni það nú leiðinlegt!
Sunna og yngri dætur hennar, Lilja og María, komu svo að sækja Helgu akkúrat þegar ég var að klára að setja loft í vaðlaugina okkar og þá var ekki aftur snúið… Sunna komst ekkert heim fyrr en hátt í klukkutíma síðar og þá með 3 blautar skottur 😉