Við héldum upp á 7 ára afmæli frumburðarins í dag. Yndislegt veður sem varð til þess að gaurarnir í afmælinu eyddu jafn miklum tíma úti við og inni, stelpurnar voru aðeins penni enda í sparifötum 😉
Oliver var alveg í skýjunum með kökuna sem við Leifur dunduðum okkur við að gera í gærkvöldi sem og kökupinnana sem fylgdu með. Kakan sjálf var sennilega sú einfaldasta sem við höfum gert hingað til. Skúffukaka smurð með grænu smjörkremi og svo þakin með kókosmjöli sem við höfðum litað nokkrum dögum áður 😉 Kom virkilega vel út og fullkomnaði gras”lookið” á vellinum.
Við fengum okkur göngutúr eftir veisluna til að ná að nýta amk eitthvað af þessu yndislega veðri sjálf 😉