Ég er búin að vera svolítið leið yfir vanvirkni minni hérna, bæði í sýnilegum og ekki svo sýnilegum færslum (set oft færslur hérna sem eru prívat bara fyrir mig). Langar að reyna að taka mig á á nýju ári. Þetta er svo þægilegt form til að kíkja í til að skoða árið, tja þetta og jú auðvitað myndabankinn.
Það er eitt pínu fyndið atriði sem við Leifur settum okkur fyrir árið 2014 og hið ótrúlega er að það er að taka fleiri myndir! Fyrir okkur er það jú frekar ótrúlegt þar sem við erum oft talin vera myndaóð en það er pínu catch í þessu… myndirnar sem við þurfum að bæta okkur í er að taka fleiri myndir af fjölskyldunni saman en ekki bara í “leik og starfi” eða bara af krökkunum eins og virðist vera trendið.
Fyrsta skrefið var tekið heima hjá tengdó í gær þar sem við eyddum yndislegu kvöldi með fjölskyldunni þegar við kvöddum árið 2013. Fjölskyldumyndataka á fyrsta degi ársins (tekin í kringum 1 í nótt).
