Spennandi!!
Ég tók þátt í smá leynijólasveinaleik í gegnum Fat Mum Slim í gegnum Facebook 🙂 sendi minn pakka af stað í gær alla leið til Ástralíu! smá spotti sem hann mun ferðast 🙂
Vonandi mun viðkomandi líka pakkinn en ég sendi líka smá ísl. nammi. Var reyndar með hellings valkvíða hvernig nammi ég ætti að kaupa en endaði á Þristapoka, Hraunbitum og klassísku hreinu rjómasúkkulaði frá Nóa. Ég spurði á FB hvaða nammi ég ætti að velja og mér sýndist þetta vera málið allavegana. Mundi bara að Ashley frænka dásamaði Hraunið út í eitt á meðan hún var hérna og ég hef sent henni kassa síðan þá. Einnig þá finnst mér Þristanir vera klassískir (og góðir) og svo bara gamla góða rjómasúkkulaðið.
Það verður svo spennandi þegar pakkinn minn kemur, fékk einmitt skilaboð í gegnum “Elfster” sem er svona smá hjálparvefur í sambandi við þetta að pakkinn minn hefði lagt af stað í gær og kæmi frá Ástralíu alveg eins og minn fer. Annars var fólk í þessu frá flestum heimshornum sýndist mér… Ég var samt eini íslendingurinn.
