Ossabær

Við eyddum helginni í Ossabæ, bara notalegt að kúra inni í þessum gamla bústað og hlusta á Kára blása og rífa í eins og hann gat.

Það var spilað, lesið, skrifað, prjónað, spjallað, kíkt aðeins á sjónvarpið og góður matur borðaður.

Á sunnudeginum var veðrið gengið niður og þetta líka fallega veður komið í staðinn, kalt en milt og ekta veður fyrir göngutúr, sem við auðvitað skelltum okkur í 🙂 Oliver fann leikvöll rétt hjá og þar var þessi fína aparóla sem honum fannst nú EKKI leiðinlegt að komast í.

Krakkarnir voru búin að tala um það frá því að við komum á föstudeginum að fara í heitapottinn sem var ekki tekið í mál fyrr en á sunnudeginum. Þvílík gleði sem brýst alltaf út hjá þeim þegar þau komast í vatn, dásamlegt alveg hreint.

Við keyrðum svo heim síðdegis, náðum í mat og tókum pakkarana úr L200 í mat í Á72. Bara notaleg fjölskylduhelgi 🙂