ég er komin með nýjan starfstitil… eða e-ð þannig!
Í morgun tók lítill fugl sig til og flaug inn um aðaldyrnar hérna í vinnunni og beinustu leið inn á milliherbergi hjá 2 læknanna hérna. Ég náði að loka hurðunum þannig að hann færi ekki að fara inn á skoðunarherbergin eða aftur fram á gang og svo hófst pælingin hvernig í *fja* á ég að ná þessum blessaða fugli til að henda honum út!
pæl smæl og ég og einn læknirinn náðum greyjið fuglinum með því að skella lítilli körfu yfir hann á meðan hann sat í sjokki ofaná einni hillunni. Aumingja fuglinn var greinilega MJÖG skelkaður.
En við náðum honum og komum svo annarri körfu undir hina þannig að hann var í einskonar körfubúri *Hah* og slepptum honum svo fyrir utan 🙂