æskuslóðir í fjölmiðlum

Ég tók eftir því þegar ég var að fletta fréttablaðinu í morgun að þar var smá klausa um Framnesveginn, eða réttara sagt þá tók ég fyrst eftir mynd af Litla Skipholti og las svo fréttina. Í fréttinni er verið að tala um einhvern göngustíg við baklóðir… hmm nú veit ég að það eru ekki neinir göngustígar þarna megin við Hringbrautina – að vísu er göngustígur bakvið nokkurhús alveg HINUMEGIN næst Vesturgötunni… en mér finnst “undir”fyrirsögnin einna best…

Í kvöld var ég svo að fylgjast með Innlit/Útlit með öðru auganu… allt í einu kom mynd af Edduhúsi (eða Vorboðinn eins og það heitir víst). Það var semsagt viðtal við konuna sem býr núna í húsinu og hún kom með dálítið fyndna fullyrðingu – ok mér finnst hún fyndin.

“.. hverfið hérna kallast Bráðræðisholt og þetta er svona samansafn af húsum sem hafa öll verið flutt hingað…”

– ok ekki alveg orðrétt hjá mér en basically það sem hún sagði sem stakk mig var þetta með að húsin hefðu öll verið flutt þangað… sem er bull og vitleysa. Af þeim 3 húsum milli Grandavegar og Lágholtsvegar sem snúa að Framnesveginum er hennar hús eitt þeirra og jafnframt það eina sem er aðflutt.  Ef maður hinsvegar tekur öll húsin sem eru á þessum “ferningi” þá eru þarna Melstaður, Steinabær, Stóra og Litla Skipholt sem eru búin að vera þarna í hátt í 100 ár, ég held alveg örugglega að Melstaður, Stóra og Litla Skipholt og Austurholt hafi verið byggð í kringum aldamótin. Hús foreldra minna stendur hinsvegar hinumegin við Framnesveginn og það var byggt 1904, tel það ekki með í ferningnum 😉 Það eru reyndar nokkur hús á þessum ferningi sem voru flutt þangað á sínum tíma en ekki öll eins og daman sagði. Ætli það sé ekki hægt að segja að um það bil helmingur hafi verið byggður þarna og helmingur fluttur á svæðið og endurbyggð eða gerð upp.

Samt gaman að gamla gatan mín sé í 2 fjölmiðlum sama daginn 🙂