Heyrðu manni… það er búið að breyta öllu hérna.. Hvar er Útvegsbankinn? og Búnaðarbankinn?
og HVAR ER PRAVDA?
Við skelltum okkur á Ladda showið í gærkvöldi 🙂 mikið hlegið og oftar en ekki glott yfir skemmtilegum karakterum sem maður er búin að alast upp við 🙂 skemmtilegt að hann hefur líka breytt örlítið bröndurunum svona í takt við það sem hefur gerst, sbr Pravda brandarinn þarna 🙂
Laddi má eiga það að hann tók svolítið góðan punkt á sjálfan sig þar sem hann gerði létt grín að því hversu “ógeðslega frægur” hann er.
Annars þá er alltof langt síðan við tvö höfum farið í leikhús, fórum síðast að ég held áður en við fluttum til Danmerkur og þá var það “framhald” Saumastofunnar. Reyndar fór ég ásamt mömmu & pabba, systkinum mömmu og Björgu frænku & Didda frænda að sjá ÁST fyrr í haust. Það var ágætis skemmtun líka en ég hló meira í gær 😉 samt var ferlega gaman að fara til þess að sjá suma einstaklinga halda kj. í meira en klst 😉 *múhahaH*
Mig langar að gera meira af þessu – verst bara að það er ekki alveg það ódýrasta að fara í leikhús og sömuleiðis ekkert endilega verið að sýna leikrit sem maður hefur einhvern svakalegan áhuga á að sjá. Ég verð samt að viðurkenna að ég hlakka endalaust til þegar Oliver verður aðeins eldri (~3ára) að fara með hann í leikhús og sjá vonandi eitthvað af þessum klassísku eins og Dýrin í Hálsaskógi, Línu langsokk, Kardímommubæjinn eða well ég myndi fara með hann núna á Skilaboðaskjóðuna ef hann væri ekki svona lítill 😉 Oliver fær sko að fara og sjá barnasýningarnar 😀 Leifur ræður því algerlega hvort hann kemur með eða ekki 😉
Já það er fjör í leikhúsi. Mig langar svo á Ladda en treysti mér ekki til að sitja svona lengi núna… Vonandi verður hann enn eftir áramót…
Úúúú…pant koma með 😀
Hafrún Ásta; með þessu áframhaldi geri ég ráð fyrir því, held að það sé uppselt á allar sýningarnar sem eru auglýstar.
Sigurborg: ekki málið! tökum Hrafn Inga & Evu líka 😉