með hvítar frekknur

framkvæmdirnar í Hvassaleitinu ganga hægt þessa dagana, aðalega vegna þess að Leifur er farinn á fjöll og ég með samviskubit yfir því hversu mikið ég var frá syninum í síðustu viku. Það þýðir samt ekki að framkvæmdirnar séu í algerum dvala 😉 meira svona hægvirkari en í síðustu viku. Ég fór t.d. í dag og kláraði að mála loftið í eldhúsinu/forstofunni/holinu sbr fyrirsögn færslunnar 😉 málaði líka fataskápana alla að innan. Pabbi ætlar svo að kíkja uppí íbúð á morgun og fræsa úr fölsunum á skápahurðunum fyrir mig svo að ég geti málað skápahurðarnar og þá er svefnherbergið tilbúið *jeij* einn veggur í stofunni sem á eftir að mála, það er nú varla að það teljist heill veggur þar sem stofuglugginn er þar og hann er nú ekki sá minnsti, svo þarf bara að leggjast í eldhúsið og lakkvinnuna þar *óboj* þetta mjakast sumsé allt áfram, hægt og rólega. Það er í rauninni öll undirbúningsvinna búin eða svona að mestu leiti… bara framkvæmdagleðin sem er ekki alveg í essinu sínu þessa dagana.

Hér má finna eitthvað af myndum af framkvæmdunum 🙂

Annars þá vorum við Ása vinkona að fara yfir það um daginn hversu viðburðaríkt undanfarið ár hefur verið hjá okkur æskuvinkonunum (ég, Eva Hlín, Ása, Sirrý & Lilja) – þá töluðum við í rauninni bara um frá ca 15 ág 2006 til 14 ág 2007.

• Ása flytur frá dk
• ég kemst að því að Oliver er væntanlegur
• Lilja & Ómar gifta sig
• Lilja kemst að því að Sóley Svana er væntanleg
• Veikindi innan hópsins eru opinberuð
• Við Leifur kaupum bíl
• Eva Hlín kaupir íbúð
• Eva Hlín flytur inn
• Ása flytur á stúdentagarðana
• Oliver mætir á svæðið
• Sirrý kaupir íbúð
• Sóley Svana mætir á svæðið
• Við Leifur kaupum íbúð
• Lilja og Ómar kaupa bíl
• Sirrý fær afh. íbúð
• Við Leifur fáum okkar íbúð afh.

ágætis afrek hjá okkur – mér finnst m.a.s. ég vera að gleyma einhverju… sleppi auðvitað öllum afmælum enda eru þau “árlegur viðburður” 😉  gaman að rifja svona upp.