nóg að gera

úff, við skötuhjúin erum búin að vera að vinna í íbúðinni alla vikuna og það er varla hægt að segja að þetta vaktarfrí Leifs hafi verið frí 😉
Það er heilmikið búið en jafnframt heilmikið eftir… erum samt búin að fá góða hjálp frá pabba, tengdó og Gunnari bróður Leifs (aka loftamálarameistarinn) tala nú ekki um mömmu & Sigurborgu að passa Oliver. Er samt búin að vera með mikið samviskubit yfir því hversu mikið ég er búin að vera frá honum… skrítið samt.

Við erum búin að taka allar hurðir af eldhúsinnréttingunni og pússa hana alla upp og auðvitað pússa hurðirnar líka – næsta skref er svo bara að þrífa og grunna svo hægt sé að lakka innréttinguna upp á nýtt og þá er maður hérumbil komin með nýtt eldhús 😀 þetta er rosaleg vinna en ég held að við verðum alveg í skýjunum þegar þessu lýkur. Við erum eiginlega búin með herbergin og stofuna, fyrir utan Olivers herbergi, þar sem það er minnsta herbergið ákváðum við að það væri auðveldast að eiga minnsta herbergið eftir þannig að það er núna notað sem draslherbergi *haha*

Annars þá er Leifur farinn aftur upp á Kárahnjúka eftir tæplega vikufrí þannig að ég held að það eigi eftir að vera mun hægfarari framkvæmdir á næstunni… og við þ.a.l. ekki flytja inn fyrr en í september! en góðir hlutir gerast hægt þó svo að flest sem við gerum gerist hægt 🙂 eins og t.d. þessi íbúðarkaup – ákváðum að fara að skoða íbúð á fimmtudegi, sáum aðra á netinu þá um kvöldið, skoðuðum hana næsta dag – buðum í hana, gagntilboð sem við tókum 30 mín síðar og lyklar að herlegheitunum 2 vikum síðar… á meðan við þekkjum til amk 2 annarra aðila sem voru búin að skoða og skoða í lengri tíma og svo þegar þau fundu loksins eignina sem þeim langaði í að þá var allavegana 2 mánaða bið í afhendingu… ég veit að allavegana í öðru tilfellinu var viðkomandi EKKI par sáttur þegar Leifur sagði honum frá gangi mála *haha* þetta er svipað og þegar við keyptum bílinn… það gekk lika svona hratt fyrir sig.

Aníhú, ég er farin að vera með syninum 😉
set inn framkvæmda myndir við tækifæri 🙂