haustlitir

mér finnst einstaklega gaman þegar byrjar að hausta… fylgjast með náttúrunni skipta um lit. Tók sérstaklega vel eftir því í gær þegar ég var að labba heim frá lestarstöðinni hvað laufin eru búin að gjörbreytast á stuttum tíma. Ef þau hefðu ekki verið svona blaut og ég með fullar hendur af IKEA pokum :engill: þá hefði ég pottþétt týnt nokkur blöð af trjánum… ég ætti kannski að gera það bara eftir vinnu á morgun? alveg spurning.. jafnvel plokka nokkur blöð af einu trénu/limgerðinu sem ég gekk framhjá.. ekkert smá fallegt.

tók nokkrar myndir á leiðinni heim í gær, hérna er smá sýnishorn af þeim myndum sem sýna hvernig litadýrðin er að taka völdin.

Það er reyndar fleira sem fylgir haustinu sem mér líkar vel við.. það fer að dimma meira (tja ok hérna er komið kol niða myrkur upp úr 8 á kvöldin) þannig að það er voðalega kósí að kveikja á kertum hér og þar í herberginu/stofunni, kúrast undir sæng/teppi með tja bók, handavinnu, lappann, horfa á skemmtilega mynd eða þætti og njóta þess að hafa það kósí.