Við drifum okkur af stað í smá bíltúr í gærmorgun. Reyna að nýta þessar helgar fram að sumarfríi aðeins og láta ekki allan frítíma fara í múrviðgerðir og önnur eins skemmtilegheit!
Förinni var heitið austur fyrir fjall, nánar tiltekið í Þjórsárdalinn og aðeins ofar 
Háifoss & Granni
Við lögðum bílnum á bílastæðinu við Háafoss og gengum niður í gljúfrið til þess að dást að þeim félögum Háafossi og Granna.
Stórfenglegt svæði og hreinlega varla hægt að segja að það sé nóg að fara “bara” frá bílastæðinu fyrir ofan foss.
Hér til hliðar má sjá þá félaga, myndin tekin af göngustígnum fyrir ofan þá.
myndirnar svo hér að neðan eru svo bland í poka frá göngutúrnum.
Gjáin
Næsta stopp var svo Gjáin – ó þvílíka fegurðin sem er sett saman þar á litlu svæði.
Algjör paradís sem er í felum þarna.
Krökkunum fannst ekki leiðinlegt að þarna leyndust líka berjalyng sem voru þegar orðin svört af berjum – mættu samt alveg fá nokkra daga til viðbótar til að fyllast af gómsætum safa og sætleika…
