Við skelltum okkur í göngu í dag á Helgafellið í Mosó. Gengum upp brattann sem snýr að Vesturlandsveginum og svo niður í nýja Helgafellshverfið.
Oliver þaut upp á undan okkur og Ása fylgdi honum fast á eftir. Sigurborg hefði viljað fylgja en litla hjartað vill vita af okkur í nágrenninu svona á nýju svæði.
Lognið var þónokkuð að flýta sér þarna uppi en algjört logn þegar við fórum að fikra okkur niður aftur og fundum við notalega laut til þess að slaka aðeins á og næra okkur örlítið.
