undanfarnir dagar hafa liðið frekar hratt… ég trúi því varla að ég sé búin að vera í fríi í bráðum 2 vikur. Hvað þá að ég sé að fara út ekki á morgun heldur hinn stutt í það.
Blendnar tilfinningar gagnvart þeim degi… kvíður pínu fyrir og hlakka slatta til.
Þar sem ég hef aldrei komið til svona landa (sólarlanda) þá hlakka ég þónokkuð til að kynnast þessari menningu, hvernig sem hún tekur á sig mynd.
Í gegnum árin þegar ég hef ferðast þá hefur það verið til USA að heimsækja fólkið mitt þar, ég tek frekar lengri tíma og eyði góðum tíma hjá Ástu frænku og hennar fólki, síðustu tvær heimsóknir voru extra langar, ’95 var ég úti í rúma 2 mánuði og ’99 var ég hjá henni í rétt tæpa 6 mánuði.
Reyndar hef ég líka farið með ma&pa til Danmerkur & þýskalands og svo með Verzló til Austurríkis og þaðan keyrt niður til Feneyja þannig að ferðalög mín einskorðast ekki bara við þetta stóra land þarna með mikilmennskubrjálæði.