Uppskrift f. 4
- 600 gr nautahakk
- 1 msk nautakraftur
- 1 msk kartöflumjöl
- 1 tsk salt
- pipar
- 1 egg
- 200-300 gr ferskt brokkolí, skorið smátt
- ½ dl steinselja, söxuð smátt
- 3-4 dl rifinn ostur
- 2-3 msk sojasósa
- 30 gr smjör, brætt
- 1-2 dl rjómi eða mjólk
- 1 msk hveiti eða sósujafnari
- 2 tsk rifsberjahlaup
Ofninn er hitaður í 180 gráður. Nautahakki, nautakrafti, kartöflumjöli, salt, pipar og eggi hrært saman í skál.
Hakkið flatt út í ferning á smjörpappír. Brokkolí, steinselju og rifnum osti dreift yfir. Með hjálp smjörpappírsins er hakkinu rúllað upp eins og rúllutertu.
Rúllan er færð yfir í eldfast mót.
Bræddu smjöri og sojasósu blandað saman og helt yfir rúlluna.
Hitað í ofni í ca. 30-45 mínútur, fer allt eftir þykkt rúllunnar.
Þegar rúllan er elduð í gegn er hún tekin úr eldfasta mótinu og sett undir álpappír. 2-3 dl af vatni er hellt út í eldfasta mótið sem er sett aftur inn í ofninn og hann stilltur á grill. Þegar vökvinn fer að sjóða eftir nokkrar mínútur er honum hellt yfir í pott og 1-2 dl af rjóma eða mjólk hellt út í. Sósan er svo þykkt með hveitijafningi (smá vatn og hveiti hrist eða hrært saman) eða sósujafnara. Rifsberjahlaupi er að lokum bætt út í sósuna og hún smökkuð til með salti og pipar.
Borið fram með til dæmis kartöflumús, salati og rifsberjahlaupi