Marengs:
- 3 dl sykur
- 3 dl púðursykur
- 6 eggjahvítur
allt þeytt saman, smurt á bökunarplötu (klæddri bökunarpappír). Bakað í ca 1 klst. við 180 °C -eða bara þar til hann er tilbúinn.
Þegar botninn er orðinn kaldur er hann dreginn á bökunarpappírnum yfir á vel rakt viskastykki og annað slíkt lagt ofan á hann. Þá mýkist hann allur upp og hægt er að rúlla honum.
Fylling:
- 1/2 l þeyttur rjómi
- 1 -2 öskjur fersk jarðaber – eða önnur fersk ber
- súkkulaðibitar að eigin vali (t.d. mars, snickers, toblerone eða eitthvað allt annað eða blöndu af nokkrum tegundum.) Nokkur stykki þarf í kökuna.
Súkkulaðikrem:
- 6 eggjarauður, þeyttar
- 50 gr smjör-brætt
- 100 g suðusúkkulaði -brætt
Fyllingunni er smurt á botninn, honum er rúllað upp frá langhliðinni og samskeytin látin snúa niður. Út úr þessu kemur risa rúlla. Yfir er svo hellt súkkulaðikremi. Svo er kökunni stungið í frystinn og tekin út um 3 klst áður en borin fram.