Ég elska að hafa aðgang að rabarbara, að fara út í garð hjá m&p og kippa nokkrum leggjum til að saxa niður og eiga í frysti ef manni skyldi langa í rabarbaraköku er bara æðislegt! Svissa sjálf á milli 2 uppskrifta sem ég held alltaf jafn mikið uppá en þær eru báðar einfaldar og bragðgóðar 🙂
Mamma hefur gert þessa formköku í mörg ár og hún er alltaf jafn góð! svo duttum við niður á köku sem við köllum Bergþórukökuna og hún er líka bara sælgæti.
Ása Júlía hjálpaði mér að taka upp Rabarbarann áðan, eða réttara sagt hún týndi það saman sem ég tók upp og eftir smá stund heyrðist “mamma, ég held að það sé komið nóg af rabarbara” og þegar ég leit á hana þá sást varla í hana fyrir blöðum 🙂