Uppskriftasafn kjánaprikanna » matarsódi

Pönnukökur með hveitikími

Kjánaprikin — Tue, 22 Mar 2011 11:24:56 +0000

1/2 bolli hafrar
2 msk. hveitikím
1 bolli mjólk
1/2 bolli AB-mjólk eða jógúrt
3/4 bolli heilhveiti
1 1/2 tsk. vínsteinslyftiduft
3/4 tsk. matarsódi
1/2 tsk. kanill
1/2 tsk. salt
2 stór egg
2 msk. matarolía
1 tsk. sykur

Vætið í höfrunum og hveitikíminu með mjólkinni. Leyfið að standa í 10 mínútur. Hrærið saman öðrum þurrefnum. Þeytið saman egg, olíu, sykur og jógúrt í annarri skál, bætið blöndunni saman við hafrana og hveitikímið.
Hitið pönnu og rennið smá smjöri yfir. Hellið deigi á pönnu og steikið litlar pönnukökur.

Pönnukökurnar má vel frysta. Setjið þær í plastpoka sem er hægt að loka og leggið bökunarpappír á milli hverrar köku.

af DV.is

Negulkökur

Kjánaprikin — Wed, 15 Dec 2010 13:47:35 +0000

250 gr. hveiti
250 gr. púðursykur
125 gr. íslenskt smjör (lint)
1 stk egg
1,5 tesk. lyftiduft
0,5 tesk. matarsódi
1 tesk. engifer
0,5 tesk. kanill
0,5 tesk. negull

Öllu skellt saman í skál og hnoðað rólega saman. Kælt í smá stund.

Gerðar litlar kúlur og settar á bökunarplötu og síðan þrýst á með fingri eða gaffli. Bakað við 180 gráður í 8-10 mín.

Af spjallborði ER.is

súkkulaði appelsínu smákökurnar hennar Söru

Kjánaprikin — Tue, 01 Dec 2009 15:14:15 +0000

1/2 bolli smjörlíki
1/2 bolli flórsykur
1/4 bolli púðursykur
1 egg
1 tsk vanilla
1 bolli hveiti
1/2 tsk salt
1/2 tsk matarsódi
100 g suðusúkkulaði
25g appelsínubörkur (u.þ.b. utanaf einni stórri appelsínu)

Appelsínubörkurinn er rifinn niður og betra að saxa súkkulaðið ekki of smátt :>

Smjörlíkið, sykurinn, eggið og vanillan hrært létt saman. Síðan er þurrefnunum blandað saman við og að lokum súkkulaðinu og berkinum. Sett á bökunarplötu, u.þ.b. 1 tsk hver kaka. Bakað við 200°C í 8-10 mínútur.

fengið af spjallborði draumabarna.is læstum hópi (mömmuhópur).

Súkkulaðibitakökur (“þær allra bestu”)

Kjánaprikin — Wed, 25 Nov 2009 19:21:48 +0000

200 gr. Smjörlíki
1 bolli sykur
1 bolli púðursykur
2 egg
1 tsk. Matarsódi
1 tsk. Salt
1 msk. Heitt vatn
1 tsk. Vanilludropar
2 bollar hveiti og 4 msk. Hveiti
Ca.300 gr. Súkkulaðibitar, daím eða hvað sem er, t.d. er lakkrískurl mjög gott. Gott er að nota blöndu af daími og súkkulaðibitum (þá passar vel að hafa 300gr. af daím kúlum og svo ca. 100gr. af súkkulaðispænum).

Hræra allt saman í skál, nota svo teskeið til að setja á plötu með bökunarpappír og baka í miðjum ofni á sirka 170 °c þangað til þær verða ljósbrúnar, fer eftir ofnum en í sirka 5-10 mín.

tekið af spjallborði er.is

Súkkulaðikaka Latabæjar

Kjánaprikin — Wed, 21 May 2008 20:44:38 +0000

Hráefni:

5 1/2 dl hveiti
5 dl sykur
6 msk kakó
2 tsk matarsódi
1 tsk salt
1 1/4 dl matarolía
2 tsk vanilludropar
2 msk eplaedik
5 dl vatn

Hitið ofninn í 180. Smyrja form með olíu eða smjörlíki og strá hveiti inn í
Hveiti, sykur, kakó, matarsódi og salt sett í skál og blandað vel saman. Blöndum svo þurrefnunum saman við vökvann – matarolíuna, vanilludropana, eplaedikið og kalda vatnið. Öllu blandað saman í hrærivél. Deiginu svo hellt í formið og bakað í 35 mín. eða stinga prjóni í og ef ekkert festist við þá tilbúið.

Krem
Hráefni:

2,5 dl smjör (brætt)
4,5 dl flórsykur
1 msk marmelaði
5 msk kakó

Öllu hrært saman og svo smurt á kökuna.

Fékk þessa frá Evu Mjöll

[rating:4]