Uppskriftasafn kjánaprikanna » Desert

Mojito-ostakaka

Kjánaprikin — Mon, 25 Apr 2011 12:00:19 +0000

150gr Lu kanilkex
1/2dl vatn
100 gr hrásykur
3 lime
5msk romm
góð handfylli af smáttsöxuðum myntulaufum
400gr rjómaostur
200gr sýrður rjómi
1 1/2dl þeyttur rjómi

í skreytingu:

1 poki litlar marengs eða makkarónu kökur
2 límónur mjög þunnt skornar
myntulauf

Myljið kex og setjið í form.

Sjóðið saman vatn og sykur þar til sykurinn er uppleystur. Rífið börk af limeinu fínt og bætið út í. Skerið limein og kreistið safann úr og bætið líka út í. Bætið rommi og myntu saman við og kælið blönduna.

Mýkið rjómaost og bætið sýrðum rjóma saman við. Hellið sykurblöndunni út í og blandið saman. Bætið þeyttum rjóma varlega út í með sleikju.

Hellið blöndunni yfir kexið og skreytið með marengs/makkarónum, lime og myntulaufi.

(í upprunalegu uppskriftinni er ostakakan borin fram í litlum glösum sem gæti eflaust verið mjög krúttlegt )

Fékk þetta ljósritað af ljósriti úr gömlu gestgjafablaði frá Emilíu í vinnunni.

Print PDF

heitur kókosbolluréttur

Kjánaprikin — Wed, 15 Nov 2006 18:00:05 +0000

kalóríubomba

2 pakkar af kókosbollum (4stk í pakka)
slatti af ferskum ávöxtum (má vera hvað sem er, jarðaber, bláber, hindber, bananar, kíví eða what ever) eða niðursoðnir ávextir
súkkulaðispænir.

Ávextirnir skornir í bita og sett í botninn á eldföstu fati, kókosbollurnar kramdar yfir.
Súkkulaðispænir settar yfir allt saman.

Ofninn hitaður í 200°c, fatinu skellt inn og beðið þar til sykurgumsið er orðið svona brúngyllt.

Borið fram með ís eða þeyttum rjóma.

[rating:4,5]

Print PDF

Berjabomba

Kjánaprikin — Thu, 01 Jun 2006 20:52:47 +0000

200g jarðarber
150g bláber
100g hindber
200g Siríus-rjómasúkkulaði með hnetum
100g nóa-rjómatöggur eða Nóa rjómakúlur
Lítil álform

Smyrjið álformin vel með smjöri (best er að hafa þau tvöföld). Skerið jarðarberin í bita og blandið þeim saman við bláber og hindber. Saxið súkkulaðið gróft, skerið karamellurnar í beita og blandið hvorutveggja saman við berin.
Setjið berja-og súkkulaðiblönduna í álformin og grillið í um 3-5 mínútur.
Prófið líka að nota aðrar tegundir af siríus rjómasúkkulaði eða nóa töggum í þennan rétt.

Þessi uppskrift er áætluð fyrir 5.

Gestgjafinn 6tbl 2006

Print PDF

Litla syndin ljúfa

Kjánaprikin — Sat, 20 Aug 2005 12:43:00 +0000

140 gr smjör (+ smá til þess að smyrja formin)
140 gr 70% nóa síríus súkkulaði
2 egg
3 eggjarauður
140 gr flórsykur
60 gr hveiti

Hitið ofninn í 220°C (ekki blástur)
Smjör og súkkulaði brætt við vægan hita, þeyta eggin og eggjarauðurnar saman, bæta flórsykri við og hræra vel.

Hella súkkulaðiblöndunni saman við og þeytið á meðan.
Hrærið að lokum hveitinu saman við.

Setja í form, ekki fylla alveg, og baka í 11-12 mín.
Nota einnota álform (t.d. möffins stærri stærðina).

Print PDF