Óvissuferð

Óvissuferð Hg Sel 2018

rútan komin á Hvollsvöll

Mættum út á stöð kl 9 í gærmorgun og þar beið okkar þessi eðal rúta sem flutti okkur austur á Hvolsvöll, nánar tiltekið að Midgard Base camp þar sem nýjir fararskjótar og fararstjórar biðu okkar.

Eftir stutt stopp í Base Camp og sýnisferð um bygginguna (sem er allt í senn, miðstöð ferðalanga, gistiheimili bæði með svefnpokaplássi og sérherbergjum og veitingastaður) var fólkinu smalað í tvo bíla og haldið af stað enn austar. Fyrstu hugmyndir voru Þórsmörk mv bílana sem við vorum komin í en

Eyjarnar fögru

þegar bílstjórinn beygði niður að Landeyjahöfn breyttist það frekar snöggt!

Við keyrðum samt ekki að höfninni heldur niður í kolblikasvarta fjöruna þar sem við fengum dásamlegt útsýni yfir til eyja… hálf fáránlegt hversu stutt er þarna yfir en samt svo langt.

Við skelltum í eina góða hópmynd í fjörunni sem er samt pínu fyndin enda allir kappklæddir þar sem heilmikið rok var og frekar kalt.

Samt ó svo fallegt myndaveður.

með eyjarnar í baksýn
smásögukeppni í gangi – frekar ómerkileg saga sem þetta flak á, þurfum að græja almennilega fyrir túristana okkar;)

Frá fjörunni var síðan haldið inn í Þórsmörkina fögru, nánar tiltekið í Bása.

snjór snjór snjór í Básum

Þar gæddi hópurinn sér á nesti og teygði úr sér. Við gengum svo svokallaðan Básahring sem er í raun síðasti spottinn af Fimmvörðuhálsinum.

gönguormur

Á leiðinni til baka úr Þórsmörkinni stoppuðum við við Stakkholtsgjá og gengum þar inn gljúfrið sem var dásamlegt, dálítill snjór sem olli því að við komumst ekki alveg inn í botn að fossinum en það bíður betri tíma, þetta var samt alveg dásamlegt og svo fallegt!

og lengra komumst við ekki:(

Gengum líka inn að Gljúfrabúa ♡ sem er rétt hjá Seljalandsfossi og ekki síðri foss alveg magnaður :)

Gljúfrabúinn
Gljúfrabúinn leynist inni í þessari sprungu

Heitur pottur og sána í Base camp og kvöldmatur áður en haldið var aftur í borgina!

Snilldar dagur með hressum vinnufélögum!

Klifurkettir í ævintýraleit

ekkert mál að draga þessa grein langar leiðir ;) “Ronjan” mín

Við skelltum okkur í smá göngutúr í Elliðárdalnum í dag… Alltaf jafn dásamlegt að rölta með krökkunum um dalinn enda margir spennandi staðir að kíkja á þar.

Tala nú ekki um þegar göngutúrinn leiðir mann að og meðfram ánni því þá er hægt að henda endalaust af steinum í ánna eða prikum (bátum) sem hægt er svo að fylgja eftir, hvort sem það er bara meðfram bakkanum eða sitt hvoru megin við brú.

Oliver klifurköttur

Oliver og Ása Júlía fundu líka tré sem þau ákváðu að taka kapp hvort kæmist hærra… á endanum voru klifurkettirnir vinsamlegast beðin um að fikra sig niður, mér leist ekkert á blikuna! Sigurborg Ásta þorði að fara upp rúmlega hæð sína sem er alveg frábært enda hefur hún alltaf verið varkárari en systkini sín :) Hún er stöðugt að verða frakkari.

 

henntugt sæti í tré sem skipt hafði stofninum í 3 greinar:)

 

Páskahreyfing!

Páskahreyfing!
Ásuskott

Eftir allt þetta súkkulaði og önnur sætindi var ekki annað hægt en að drösla mannskapnum út í smá hreyfingu.

Vífilstaðavatn verður oft fyrir valinu hjá okkur í þessum pælingum ef við viljum fara útfyrir hverfið. Margt að skoða og sjá (og ekki skemmir möguleikinn á að kasta steinum í vatn heldur).

 

sko hér er ein!

Oliver er búinn að vera að læra sitthvað um náttúruna í vetur og fannst honum mjög spennandi að kíkja eftir hagamúsaholum í móanum í kringum vatnið. Enda fann hann þónokkrar þarna hjá :)

Músahola

 

 

 

 

 

Skottuborg!

Sigurborgu fannst mjög spennandi þessi leit hans Olivers en ekki alveg eins auðvelt að fóta sig í móanum og var endalaust að detta, þó mest megnis beint á rassinn og sat á tímabili bara sem fastast í móanum ;)

það verður líka að vera ein af okkur gömlu;)

 

Dásemdarpáskadagur

Við hittumst öll hjá tengdó í hádeginu líkt og undanfarin ár í brönsh. Þetta var víst heldur snemma dags að mati “preeteen” fjölskyldunnar en allir mættu í brönsh nema flugumferðarstjórinn enda þurfti einhver að sinna þessum flugvélum, en hún mætti þegar vaktinni lauk. Krakkarnir leituðu í góðan tíma að eggjunum sínum, ótrúlegt hvað Ingu tekst alltaf að finna nýja staði til þess að fela þau á. Reyndar breytti hún til í ár og keypti lítil egg til þess að fela og skipta út fyrir þau hefðbundnu ;) smart move! enda fleiri felustaðir í boði þannig!

Dásemdarpáskadagur með öllum 8 uppáhaldspáskaungunum Gleðilega páska 😙#Kaldalkrakkar #systkinabörn #frændsystkinin #Ollinnminn #Ásuskottiðmitt #Skottuborginmín #páskar2018
páskaungarnir 8

Þar sem barnabörnin voru öll á svæðinu var skellt í myndatöku! allur hópurinn samankominn sem gerist ekki nógu oft.. en oftar þegar Danirnir okkar flytja heim sem fer að styttast í.

Þau eru orðin 8 þannig að þetta fer að verða annsi þröngt, sérstaklega þegar þau stækka svona hratt líka ;)

Í lok veisluhaldanna fórum við heim með 3 stelpur í stað 2 og engan strák! Oliver fékk að fara heim með Hrafni Inga í Norðlingaholtið og Ingibjörg fékk að koma heim með okkur og gista :)

Hellings stuð!

Gleðilega páska :)

litli frændi skírður

Okkur var boðið í skírnina hans litla frænda í dag(Sigurborgar og Tobbason). Jón Ómar sem gifti okkur Leif fyrir rúmum 5 árum síðan sá um athöfnina í Dómkirkjunni.

Ingibjörg sá um að tilkynna nafnið hátt og skírt “Jón” í höfuðuið á föðurafa sínum. í framhaldinu tók daman sig til og söng svo fallega til bróður síns við undirleik Gunnars.

Svo fín í skírninni hans litla frænda í gömlu kápunni hennar mömmu sinnar #Skottuborginmín
Svo fín í skírninni hans litla frænda í gömlu kápunni hennar mömmu sinnar #Skottuborginmín

Krakkarnir stóðu sig öll vel og voru ótrúlega þolinmóð í athöfninni en skoðuðu kirkjuna hátt og lágt bæði fyrir og eftir athöfn.

í beinu framhaldi af athöfninni var svakaveisla í Álfheimunum :) skipt upp í 2 holl þar sem fjölskyldan kom fyrst og vinirnir í framhaldinu :)

 

Galdrakarlinn í Oz

Skelltum okkur á Galdrakarlinn í Oz áðan með Ingibjörgu frænku #leikhópurinnLotta #galdrakarlinníoz #frændsystkinin #Kaldalkrakkar #Ollinnminn #Ásuskottiðmitt #Skottuborginmín
Uppáhalds leikusgestirnir ásamt huglausa Ljóninu

Ásu og Sigurborgu er búið að langa lengi að fara að sjá Galdrakarlinn í Oz með Leikhópnum Lottu.

Ég lét loksins verða af því áðan og ákvað að bjóða Ingibjörgu frænku með okkur.

Krakkarnir skemmtu sér allir stórvel og voru hrikalega spennt yfir þessu öllu saman. Einnig voru þau öll svo til í að fá myndir af sér með leikurunum  :)

Sigurborgu þótti það ekki verra að hafa bæði stórusystkinin og stóru frænku með á myndunum :)

blóm fyrir afmælisbarn dagsins

Oliver valdi blóm fyrir áfmælisbarn dagsins ;) alveg með það á tæru hvaða blóm ættu heima í vendi fyrir afa
Oliver valdi blóm fyrir afmælisbarn dagsins;)

Pabbi fagnaði afmæli í dag – húrra fyrir því :D

Á leiðinni til þeirra stoppuðum við Oliver í blómabúð og græjuðum 1 stk blómvönd fyrir afmælisbarnið. Eða Oliver sá um það.

Hann var alveg með það á tæru að hann vildi eitt svona blóm, eitt svona og svona og endaði í 5 mismunandi blómum ásamt nokkrum grænum stráum.

Efnilegur blómaskreytir þarna á ferð :)