Reykjanesið í hávaðaroki

Sterkust af öllum... #Kaldalsumar17 #reykjanes #brúmilliheimsálfa
Sterkust af öllum

Við fjölskyldan skelltum okkur í bíltúr með Lindu frænku á Reykjanesið. Byrjuðum á því að keyra að Kleifarvatni og þaðan yfir á hverasvæðið í Krýsuvík. Stoppuðum við hverina or röltum þar um.

Því næst brunuðum við að Brimkatli þar sem við kíktum á litlu “laugarnar” í hávaða roki.

Enduðum svo á að rölta yfir brúnna á milli heimsálfanna áður en við brunuðum aftur til baka í borgina.

Ása og Olli voru alveg á því að taka skyldi mynd af þeim fyrir neðan brúnna þannig að það liti út fyrir að þau væru sterkust af öllum ;)

ættarmót í Ólafsvík

Oliversleggur#ættarmót
Oliversleggur

í morgun brunuðum við til Ólafsvíkur til þess að mæta á 1 stk ættarmót hjá afkomendur Kristjáns Kristjánssonar og Önnu Elísabetar Brandsdóttur eða langafa og langömmu minna. Þau voru foreldrar Olla afa :)

Við byrjuðum á að safnast saman í félagsheimilinu Klifi í Ólafsvík. Þrátt fyrir úrhellis rigningu fór hópurinn út í kirkjugarð þar sem blóm voru lögð á leiði látinna forfeðra okkar. Flest okkar héldu svo í smá göngutúr þar sem kíkt var á æskuheimili afa eða í garðinn við húsið :)
Rennandiblautur hópurinn dreif sig svo inn í íþróttahúsið þar sem búið var að undirbúa smá þrautabraut fyrir okkur þar sem meðal annars þurfti að semja vísu, hitta borðtenniskúlum í þar til gerð hólf, leysa nokkrar gátur og fleira skemmtilegt :) Hópnum var skipt upp eftir afkomendum hvers systkinis – við vorum í Bláa hópnum :)

Þegar þrautir höfðu verið leystar hélt hópurinn aftur inn í Klif þar sem fólk náði mesta hrollinum úr sér með kaffi og hver leggur fékk það hlutverk að búa til ættartré, ég reyndar klikkaði á að taka mynd af því en setti upp í Excel á sama tíma og ég hjálpaði Helgu og Júlíönu við að rifja upp alla nánustu ættingjana :)

Um 5 leitið héldu flestir í öfnnur hús til að skipta um föt og hafa sig til fyrir kvöldið. Við skelltum okkur til Hjördísar frænku í Vallholtinu þar sem hún bauð upp á kaffi og hjónabandssælu.

Kvöldmatur í Klifi með öööööllluuumm ættingjunum (já það bættust þónokkrir við þarna) og þétt dagskrá með skemmtiatriðum og ræðum. Sandra Ýr söng 2 lög án undirleiks og gerði það listavel og Hrönn Svans ásamt Magnúsi Stef tóku einnig nokkur lög og þar á meðan Íslenska konan sem hún flutti óaðfinnanlega. Fjöldasöngur var einnig undir stjórn Magnúsar og var Oliver spenntastur fyrir að syngja “ég er kominn heim” sem rættist rétt áður en við héldum af stað aftur til baka í borgina.

Þorsteinn Ólafs smellti af nokkrum annsi góðum hópmyndum af okkur, bæði af hverjum legg fyrir sig og einnig einni risa hópmynd :) gaman að því.

 

Danmerkurferð fjölskyldunnar

InstagramVið skruppum til Danaveldis í nokkrar vikur nú í júlí – alveg dásamlegur tími sem við áttum þar með Ingu & Skúla tengdó, Sigurborgu, Tobba, Ingibjörgu & Kviku.

Vorum í viku í bústað í Brovst sem er rétt hjá Blockhus en hann var samt eiginlega notaður mest megnis sem bækistöð og svefnstaður þar sem við þvældumst á ýmsa staði þarna á Norður Jótlandi. Fórum m.a. á Skagen, “Slettestrand”, skoðuðum bunkera á Hanstholm ströndinni og svo fóru Leifur, Ása & Olli ásamt Ingu, Skúla og Sigurborgu og skoðuðu Bunkera safn frá seinni heimstyrjöldinni í Hanstholm, prufuðum fótboltagolf og skelltum okkur í Sirkus þar sem krakkarnir prufðu að fara á bak á Fíl (Ása & Olli) og Kameldýri (Sigurborg Ásta & Ingibjörg) sem var svakalega mikið sport :)

Mamma mamma við fundum frosk!#Kaldalsumar17 #danmark #froskur #ævintýri
Mamma mamma við fundum frosk! heyrðist kallað þegar við vorum að klára að pakka í bílana við Sumarbústaðinn
Yndisfrænkur#Kaldalsumar17 #danmark
Á leið á safn í Løkken um Rubjerg Knude vitann og bæinn þar í kring

Eftir vikudvöl í bústaðnum var haldið “heim” til Odense þar sem við eyddum næstu 2 vikum.  Inga og Skúli skelltu sér yfir til Köben á Sunnudeginum og skoðuðu sig um þar í nokkra daga áður en þau héldu heim á leið.

Við heimsóttum dýragarðinn í Odense og eyddum þar heilum degi í að kíkja á öll þessi flottu dýr sem þar búa.

Auðvitað var farið í heimsókn í Mecca Leifs og Olivers – Legoland! þar sem um það bil 95% tækjanna voru prufukeyrð. Olla og Ásu fannst æði að geta farið í alla rússíbanana og nýttu sér það óspart. Sigurborg Ásta var aðeins minna glöð með þessar ferðir systkinanna enda ekki búin að ná þeirri hæð sem lágmarkskröfur voru um. Henni fannst samt ekkert leiðinlegt að fara í þau tæki sem hún mátti fara í :)

Fjölskyldan & Ingibjörg frænka í útsýnislestinni í Legolandi

Við eyddum 2 dögum í Legolandi líkt og 2014 en Sigurborg, Tobbi & Ingibjörg voru með okkur fyrri daginn.
Oliver & Ása Júlía tóku þátt í kubbakeppni þar sem þemað var “hús” og Oliver gerði sér lítið fyrir og var einn af sigurvegurum dagsins! Fékk hann að launum veglegan Star Wars legokassa.

Stoltur!

Dagsferð til Þýskalands var líka á listanum sem hægt var að skella ✓ á :)

á landamærunum!

Stoppuðum fyrst við Dannewerk og röltum aðeins um þar eftir að hafa nært okkur aðeins í “mini” piknik.
Færðum okkur því næst yfir til Laboe sem er nálægt Kiel en þar var U-boat kafbátur sem heillaði Leif alveg upp úr skónum enda notaður af Hitler í WWII. Við vorum reyndar ekki lengi í Laboe enda var smá peningavesen í gangi, Evrur af skornum skammti hjá okkur og vesen að komast í hraðbanka og verslanir voru ekkert að hafa fyrir því að taka erlend kreditkort! Stuttu eftir að við stoppuðum í Laboe byrjuðu allir krakkarnir að tala um að komast á WC og einu WCin sem við fundum kostaði að komast á, þ.e. ef maður ætlaði sér að nota eitthvað annað en pissuskál! talandi um bleikan skatt!!!- náðum að skrapa saman í wc ferð fyrir okkur stelpurnar og drifum okkur því næst bara yfir til Kiel þar sem við röltum um miðbæinn og fundum okkur álitlegan veitingastað sem seldi Snitzel í ýmsum útfærslum.

Schnitzel “Viennese style” á Das Wirtshaus í Kiel

Miðbær Odense var skoðaður í nokkrum skömmtum, fórum meðal annars og kíktum á síðdegissýningu hjá áhugamannaleikhópi sem sýnir örleikrit þar sem flestallar sögur H.C. Andersen koma fram og það á aðeins 30 mín gerir aðrir betur. Leikhópurinn er samansettur af börnum og fullorðnum á öllum aldri.

Hjólabátur

Skelltum okkur í siglingu á hjólabátum eftir ánni í miðbænum. Virkilega fallegt svæði og spennandi að mati krakkanna að fá að hjóla svona um :)
Auðvitað komu dagar þar sem ekkert annað komst að en að hangsa heima og njóta þess að vera til, elda góðan mat og já bara njóta!

Oliver fann sér nokkrar bækur til að lesa og spændi í sig 3 fyrstu Harry Potter bækurnar á örfáum dögum, er algjörlega kolfallinn!

Stelpunum fannst æði að klæða sig upp í búningana hennar Ingibjargar og voru mörg skipti í hvert sinn

Í Kerteminde var haldin uppskeruhátíð eða Kirsuberjahátíð á meðan við vorum úti og ákváðum við að kíkja þangað. Stoppið var stutt enda fór að rigna fljótlega eftir að við komum. MIKIÐ af fólki á litlu svæði en við rákumst á fornbílasýningu sem var reyndar frekar skondin þar sem við erum vön því að bílarnir séu alveg tiptop á Krúsersýningunum að þá var það ekki alveg málið – einn bíllinn var til að mynda með gömlum þurrum fuglaskít á framrúðunni og annar lá á felgunni (algjörlega flatt). En nóg var af Kirsuberjavarningi! Við Sigurborg skelltum okkur í H&M áður en við fórum af stað til þess að ath hvort það væri ekki til eitthvað af kirsuberjafatnaði handa stelpunum en Ingibjörg átti gollu með pallíettuskrauti sem voru jú einmitt kirsuber – það var reyndar svo það eina sem við fundum og okkur fannst fallegt þannig að ég splæsti bara í þannig peysur á Ásu Júlíu og Sigurborgu Ástu :) Stelpurnar því allar í stíl!

Kirsuberjastelpur á Kirsuberjafestivali í Kerteminde

Síðasta vikan bauð ekki upp á margt en við náðum þó að gera ýmsilegt eins og að fara niðrá strönd og í bíltúr til Givskud Zoo! já annar dýragarður en þarna má maður keyra um á sínum bíl og kemst í raun mun nær dýrunum en annarstaðar… líka Ljónum!
Strandferðin hitti einmitt á dásemdar sólardag og ekki skemmdi að akkúrat þann dag var Tobbi í fríi! *jeij*
Ákváðum að drífa okkur bara niðrá strönd og slaka á! sem var gert til hins ýtrasta!

Á ströndinni 🏖🌞
Kíktum á Hasmark Strand, einn af síðustu sólardögunum

Við eyddum öllum deginum hérumbil frá opnun og alveg til lokunar í Giveskud zoo og ég mæli sko hiklaust með því – og að taka nesti! alveg upp á danska mátann alla leið!
Krökkunum fannst hrikalega spennandi að keyra inn í ljónabúrið og sjá ljónin labba hérum bil alveg upp við bílinn. Alveg þess virði að bíða í rúmlega 30 mín röð :)
Okkur Leifi langaði samt mest af öllu að komast nær Gíröffunum en þeir eru eitthvað svo tignarlegir þrátt fyrir ógurlega lengd í fótum og hálsi ;)

Don't mind me... just passing by
Giveskud Zoo!

Oliver var búinn að tala um það áður en við fórum út að hann vildi sko endurtaka berjatýnsluna en við gerðum heiðarlega tilraun til þess.. jarðaberjatíminn liðinn, hindberjatíminn alveg á mörkunum, kirsuberjavertíðinni alveg að ljúka en möguleiki á rifsi, sólberjum, plómum og einhverju skemmtilegu.. en þegar á reyndi fór að rigna .. og rigna… og HELLIRIGNA.
Við enduðum samt á því að taka með okkur heim eins og ca kg af rifsi.

systkinin að leita skjóls undir plómutrjám…

Þetta var dásamleg ferð uppfull af góðum mat, samveru og minningum.
Takk fyrir okkur elsku Sigurborg, Tobbi, Ingibjörg, litla ljós og Kvika <3

 

Smá brot af myndunum sem ég tók á símann minn má finna hér ef áhugi er á :)

Orkumótið

Oliver mætti á Orkumótið í ár ásamt félögum sínum úr ÍR.
Hann fór með liðinu á miðvikudaginn en við hin mættum á þriðjudagskvöldið með allt hafurtaskið.

styttist í brottför

Þetta var stórskemmtilegt mót þar sem strákarnir stóðu sig mjög vel og unnu sig upp um 9 riðla sem má teljast nokkuð gott hjá þeim.

fyrsti leikurinn undirbúinn með Krissa þjálfara

Dagarnir í Eyjum byggðust auðvitað að mestu á því að elta þessa 9 gutta sem tilheyrðu ÍR bláum á milli valla en á kvöldin þá náðum við að kynnast aðeins hinum foreldrunum þar sem svo vildi til að við vorum nærri því öll á sama svæðinu á tjaldstæðinu hjá Þórsheimilinu.

Allir komnir í Orkumótsjakkana

Við nýttum síðasta daginn í Eyjum, svona á milli skúra, til þess að túristast aðeins á Eyjunni fögru.

Oliver og Ása Júlía prufuðu að spranga á meðan Sigurborg Ásta tók það ekki í mál að hanga í einhverjum kaðli utan í klettum! þvílíka ruglið :)

Sprangandi ÍRingar
Systkini á Stórhöfða #orkumótið #fótboltabörn #Kaldalsumar17
Systkini á Stórhöfða

Einnig kíktum við á Stórhöfða og smellti ég þar nokkrum myndum af krökkunum.

Áttum far í land með Herjólfi rétt fyrir kl 7 þannig að við höfðum allan daginn til þess að taka saman og ganga frá eftir okkur.

Takk fyrir okkur Eyjar – þetta var stórskemmtilegt :)

Áfram ÍR!

Fótboltamót
Ása Júlía keppti á Greifamótinu á Akureyri um helgina, KA stóð fyrir mótinu sem var glæsilegt og stelpurnar skemmtu sér stórvel og gekk alveg ágætlega :) Áfram ÍR!

Við lögðum af stað Norður í seinna lagi og vorum komin í íbúðina í Skarðshlíðinni um kl 22:30. Ása hafði ætlað að gista með stelpunum í skólanum en okkur fannst við vera heldur seint á ferðinni þannig að hún gisti með okkur fyrri nóttina.
Ræs snemma morguns því þær áttu að keppa fyrsta leik kl 9:20.
Þær stóðu sig með sóma í öllum leikjum dagsins og voru í skýjunum með að fá að fara í Bíó (mamma & Olli fóru líka) og í sund þrátt fyrir að rennibrautin væri óvirk.
Seinni dagurinn var ekki síðri enda flottar stelpur hér á ferð, þó ekki hafi komið til þess að þær fengju bikar þá voru þær allar sáttar við sitt og fullt af stoltum foreldrum í kringum þær.

ÍR stelpur á KA móti ♡ #áframÍR
7.flokkur kvk ÍR með Róberti þjálfara

Allt hitt
Við nýttum tækifærið fyrir Norðan og kíktum í heimsókn til Olla frænda og Önnu Guðnýjar í nýja húsið þeirra á laugardeginum og vorum svo heppin að fá matarboð í leiðinni og krakkarnir gátu gleypt í sig barnaefni fyrir alla helgina á meðan við vorum þar þar sem ekki gafst tími í sjónvarpsgláp í íbúðinni sem við höfðum til umráða.

Jóhann Mikael bekkjarbróðir Olla fékk svo að gista hjá okkur aðfararnótt sunnudagsins og fannst Olla það alls ekki leiðinlegt.

Við kíktum líka í jólahúsið áður en við héldum af stað aftur heim þar sem krakkarnir fengu að smakka sykurhúðuð epli ;)

 

Ossabæjarheimsókn

Þegar tengdó sögðu okkur frá því að þau myndu eyða viku í Ossabæ í maí vorum við ekki lengi að kanna hvort það væri smuga á að kíkja til þeirra yfir helgina :)

Krakkarnir elska að eyða tíma í ævintýraskóginum í kringum bústaðinn og í pottinum – þarf ég að minnast á að þeim leiðist auðvitað ekki að fá ömmu og afa knús ;)

Við semsagt drifum okkur af stað í gærmorgun eða við og stelpurnar, Olli hafði fengið far með Gunnari og strákunum á föstudag.

Áttum yndislega daga í sveitinni í rjómablíðu.Stóra Skotta
Aparólustelpa ♡
Hoppuskotta ♡

Myndataka í september

Við fórum með frændsystkinin í myndatöku til hans Lárusar Sig í septemberlok. Nýttum tækifærið þegar Sigurborg & Ingibjörg komu í stutta ferð heim :)

Fallegasta merkispjaldið þessi jólin fór til tengdaforeldra minna ♡♡♡
Fallegasta merkispjaldið þessi jólin fór til tengdaforeldra minna ♡♡♡

Mikið leynimakk og pukur var í kringum þessa myndatöku enda var endapunkturinn sá að við skyldum nýta þessar myndir sem jólagjöf til ömmu & afa barnanna :)

Við enduðum á að gefa þeim ljósmyndabók sem ég skellti saman á blurb með léttum setningum frá krökkunum sem tengdust ömmu og afa sem og ýmsum orðum sem við og krakkarnir tengdum þeim. Einnig var í pakkanum útprentuð hópmynd af krökkunum í ramma sem og “memory” spil með myndum :D merkispjaldið og spilið pantaði ég af Shutterfly

Við erum öll í skýjunum með þennan pakka og flest okkar nýttu myndatökuna aðeins meira þar sem Lalli smellti nokkrum myndum af okkur fjölskyldunni saman sem fóru í jólakortaflóðið og einnig prentuðum við út myndir fyrir mömmu og pabba í jólagjöf.

Sigurborg skellti sér í H&M fyrir okkur og keypti eins peysur á strákana, bræðurnir voru í sitthvorum litnum en Olli & Hrafn Ingi í eins peysum. Stelpurnar voru allar í eins skyrtukjólum og leggings og svo í peysum sem ég prjónaði á þær, allar eftir sömu uppskrift en engin nákvæmlega eins þó :)

Jólakortamyndin í ár

stelpubústaður

Við æskuvinkonurnar skelltum okkur í sumarbústað yfir helgina. Mikið sem það var notalegt að stinga aðeins af út úr bænum og bara njóta.

Eina planið fyrir ferðina var að við ætluðum að elda okkur góðan brönsh og góðan kvöldmat og slaaaaaaaaka eða ss borða vel :P

Ég er ekki frá þvi að það hafi barasta tekist, amk held ég að ég hafi aldrei tekið jafn fáar myndir og slakað jafn vel á lengi ;)

potturinn var vel nýttur og við skelltum okkur í góðan göngutúr fyrir kvöldmatinn á laugardeginum.

Alveg hreint dásamlegt og meiri líkur en minni á að að þetta verði endurtekið – fyrr en síðar ;)

Brunsh í bústaðarferð helgarinnar #latergram
Brunsh í bústaðarferð helgarinnar
Fordrykkur og dinner í bústaðarferð helgarinnar #latergram
Fordrykkur og dinner
Nomnomnom
fordrykkurinn í nærmynd